Жеке тұлғаны «Баланың бас ұстазы — ата-ана»

Жеке тұлға ретінде баланы бас ұстазы – ата-анасы қалыптастырады

 

Ата-анаға кеңес

  1. Өз балаңыздың ерекшелігін тани біліңіз. Оның маңыздылығын сездіруге тырысыңыз. Балаңыздың бастамалары мен дербес жасаған әрекеттеріне шынайы түрде қуана біліңіз. Мәселен: «Жарайсың, соңғы уақыттарда сен маған әжептәуір көмек жасап жүрсің», «Сен жасаған мына дүние ерекше екен», «Ұсынысың керемет» деген сияқты қолдануға болады.
  2. Балаңыздың өмірін басқаруға ұмтылмаңыз. Оның өзі атқара алатын ісіне араласудың қажеті жоқ. Шамаңыз келгенше, балаңыздың ақыл-кеңесіне құлақ асуға тырысыңыз. Мұндай кездерде: «Сен керемет тамаша баласың», «Сендей баламыздың болғанына қуаныштымыз» деген сөздерді қолдануға болады.
  3. Ерлі-зайыпты адамдар баланың көзінше бір-бірлеріне өкпе-наз айтып, реніш білдіруге тырыспауы керек. Әсіресе, бала бар жерде «Басымды қатырмашы», «Өзің бәле болдың ғой», «Осыны саған күніне мың рет қайталаймын» деген сияқты дөрекі сөзден ата-ана өздерін мейлінше тыйып ұстаған абзал.
  4. Балаңызға бұйрықты түрде қатты сөйлеуден, бір нәрсені күштеп істетуден, намысына тиетін сөздерден аулақ болыңыз.
  5. Балаңызбен жиі бірге болуға тырысыңыз. Сіздің жан жылуыңыз бен аймалауыңызды қажетсінген кездерде сырт айналмаңыз.
  6. Балаңыздың қате басқан қадамы болса, оны бірден жазалауға ұмтылмаңыз. Шын мағынасында, жазалау- бала тәрбиесіндегі дөрекі де өнімсіз құрал.
  7. Балаңыздың ішкі жан-дүниесі өте нәзік те сезімтал екендігін есіңізден әсте шығармаңыз. Ішкі жан-дүниедегі құбылыстар, талпыныстар, түрлі өзгерістер оның болашақта тұлға ретінде қалыптасуында үлкен рөл ойнайтынын ұмытпаңыз.

 

 

 

 

 

 

 

 

 

 

Ата-аналарға жаднама

«Отбасында баламен тіл табысу құпиясы»

(психолог кеңесі)

 

 

  • Жанұяда баламен тіл табысуда және тәрбие мәселесінде теңдік көзқарасты сақтаңыз.
  • Бала әрқашан жақындарының махаббатын сезіну керек. Баланы барлық ерекшеліктерімен қабылдай білу жөн.
  • Баламен тіл табысу барысында қызығушылық танытып, қолдап отырыңыз
  • Баланы жанұядағы ересек адамдармен тіл табысу ынтасын қолдаңыз.
  • Тіл табысу барысында эмоциональдық қалыпты сақтаңыз, яғни баламен тіл табысу кезінде көбірек күліңіз.
  • Балаңыздың жетістіктерін байқасаңыз, онымен бірге қуаныңыз.
  • Баламен тіл табысу кезінде тек қана верьбалды (сөйлесу) жағына ғана көңіл бөлп қоймай, ым, ишараларды да қолданыңыз.

 

 

 

 

 

Нашар көретіндерге арналған нұсқа
Нашар көретіндерге арналған нұсқа